Shillong Run 10K 2018

PRESS RELEASE

Yn iashim bynta u Nongmareh RIO OLYMPIC, 2016 ha ka Shillong Run – 10K, 2018: ASFDI, KJP Synod Sepngi-

Ka Agency for Sustainable Development Initiatives kaba dei ka tnat treikam jong ka Social & Economic Life Development Department, KJP Synod Sepngi sa shisien kan pynlong biang ia ka Shillong Run – 10K, 2018 kaba VIII ha ka 11th August, 2018 por 05:30 A.M. ha Parking Lot, Polo, Shillong. Ka Theme jong ka Shillong Run ka long “Run with Different Abilities” bad ka jingthmu bakongsan eh jong kane ka Run ka long:  1) ban pynshai bad pynsngewthuh ia ki nongshnong ia ki jingeh bad ki jingdonkam ki briew kiba don ki jingduna ha ki dkhot met, 2) ban kyrshan, ban niewkor bad ban kynthup lang ia ki ha ka imlang ka sahlang jong ngi. Ka Department ka peit bad khmih kyrpang ia ki 3 tylli ki project kiba iadei bad ki briew kiba don jingduna ha ki dkhot met kata: 1. Mairang Vidyajyoti Inclusive School, Sangshong, Mairang;  2. Community Based Rehabilitation Programme for People with Disability, Mairang; 3. Rev. Amirkha School for Disabled, Mawlai.

 

Ha kine ki hynniew tylli ki snem kiba la dep ka jingpynlong ia ka Shillong Run ka long kaba iaid beit iaid ryntih bad ki nongiashim bynta kiba kham bun ki dei ki khynnah skul watla ki rangbah ruh ki iashim bynta bha. Ha kane ka sien kaba mynta, naduh ka Organizing Committee bad ki Committee bapher bapher ka la iakren bha na ka bynta ka jingpynbha shuh shuh ia ka Shillong Run bad kumta ha kane ka snem da ka jingiarap jong i Bah Beningstar Lyngkhoi, u nongmareh marathon bapawnam jong ka Jylla bad Ri ia kaba haduh mynta ym pat lah ban pynkhein ia ka National Record ha ka jingmareh marathon i la lah ban wanrah ia u Mr. Nitendra Singh Rawat uba na ka jylla Uttaranchal uba dei u nongmareh marathon ba la iashim bynta ha ka RIO OLYMPIC, 2016 u ban sa iashim bynta ha ka Shillong Run – 10K, 2018. Ka jingiashim bynta jong u ha kane ka Shillong Run kan dei ka sien kaba nyngkong ha ka Jylla ba ki nongmareh bapawnam jong ka Ri kin iashim bynta ha ka Run jong ngi.

 

Kumta, ka Department ka kyrpad eh ia ki nongshong shnong naduh ki rangbah haduh ki khynnah bad ha kajuh ka por ia ki khynnah skul, ki briew kiba don jingduna ha ki dkhot bad kiwei kiwei ruh baphin sngewbha ban iashim bynta ha kane ka Run jong ngi.  Ka Registration Form ia ki Khynnah Skul ka long Rs. 100/-; ia kiwei pat ka long Rs. 200/- bad Free Registration ia ki briew ba don jingduna ha ki dkhot met. Ka tarik bakhatduh ban register kan long ha ka 8th August, 2018. Ia ki Form phi lah ban ioh na ka Office KJP Synod Sepngi, Mission Compound; Rubok Sports, Umsohsun; Sports Centre, Polo; Teekay Electricals, Mawlai; Dazzle Sports, Laitumkhrah bad na H.G. Enterprise, Jaiaw. Ka don saw category ha kane ka Run, kata: Junior hapoh 15 snem, Senior 15 snem shaneng bad ki briew kiba don jingduna ha ki dkhot met kata Junior hapoh 15 snem bad Senior 15 snem shaneng. Ha baroh ki category kin don ki Kynthei bad ki Shynrang. Kan don ka Cash Prize ia ki nongjop ha ka kyrdan 1st – 3rd bad ka Special Prize, kata: Khynnah tam bad ba la Rangbah tam. Ka ROUTE na ka bynta ka Run ka long kumne:

 

SENIOR (15 SNEM SHANENG) –  Parking Lot,  Polo,  Jingkieng (Polo Bazar), Lad Lawmali, Jaiaw Jingthangbriew, Jaiaw Mawbynna, Jaiaw St. Joseph, Jaiaw Pdeng, Lad Jaiaw Lansonalane, Jaiaw Shyiap, Riatsamthiah Presbyterian Church, Umsohsun Road, Sani Mandir (GS Road), 9-Lad, Raj Bhavan, Barik, Dhanketi, Don Bosco Square, Shillong Commerce College, PGT College, B.K. Bajoria School, Saw Furlong, Polo Bazar, Parking Lot, Polo.

JUNIOR (HAPOH 15 SNEM) bad KI BRIEW KIBA DON JINGDUNA HA KI DKHOT MET (JUNIOR HAPOH 15 SNEM BAD SENIOR 15 SNEM SHANENG) – Parking Lot,  Polo,  Jingkieng (Polo Bazar), Lad Lawmali, Jaiaw Jingthangbriew, Jaiaw Mawbynna, Jaiaw St. Joseph, Jaiaw Pdeng, Lad Jaiaw Lansonalane, Jaiaw Shyiap, Riatsamthiah Presbyterian Church, Umsohsun Road, Sani Mandir (GS Road), 9-Lad, Raj Bhavan, Bivar Road, Hotel Polo Towers, Polo Bazar, Parking Lot, Polo.

Sa shisien, ka Department ka kyrpad iaphi baphin sngewbha ban ai ka jingkyrshan kaba pura ia kine ki project jong ka Department kaba trei ia ka bha ka miat jong ki briew kiba don jingduna ha ki dkhot met da kaba phin ia shim bynta ha kane ka Run jong ngi. Ha kane ka Run phin ioh ruh ia ka T-Shirt. Na ka bynta ka jingtip kaba kham bniah sa peit ha ka www.afsdi.org. Katkum ka kyrwoh na i Rev. S.C. Diengngan, Director SELDD, KJP Synod Sepngi.

You may also like...